Psa 40 | VulgJ | STEP | in finem psalmus David pro victoria canticum David

Psalms 40

1 in finem psalmus David ^va 2 beatus qui intellegit super egenum et pauperem in die mala liberabit eum Dominus ^va 3 Dominus conservet eum et vivificet eum et beatum faciat eum in terra et non tradat eum in animam inimicorum eius ^va 4 Dominus opem ferat illi super lectum doloris eius universum stratum eius versasti in infirmitate eius ^va 5 ego dixi Domine miserere mei sana animam meam quoniam peccavi tibi ^va 6 inimici mei dixerunt mala mihi quando morietur et peribit nomen eius ^va 7 et si ingrediebatur ut videret vane loquebatur cor eius congregavit iniquitatem sibi egrediebatur foras et loquebatur ^va 8 in id ipsum adversum me susurrabant omnes inimici mei adversus me cogitabant mala mihi ^va 9 verbum iniquum constituerunt adversus me numquid qui dormit non adiciet ut resurgat ^va 10 etenim homo pacis meae in quo speravi qui edebat panes meos magnificavit super me subplantationem ^va 11 tu autem Domine miserere mei et resuscita me et retribuam eis ^va 12 in hoc cognovi quoniam voluisti me quoniam non gaudebit inimicus meus super me ^va 13 me autem propter innocentiam suscepisti et confirmasti me in conspectu tuo in aeternum ^va 14 benedictus Dominus Deus Israhel a saeculo et in saeculum fiat fiat

^va